Tarek Wafaa June 8, 2021

أسئلة كثير بتطرح وإجابات كثيرة بتتقال إزاي أكون لايف كوتش؟ وإزاي أمارس المهنة؟ وأكون معتمد من الإتحاد الدولي للكوتشينج ICF وإيه هي المهارات المطلوبه ؟ ومدي تأثيرها على حياتنا ؟! والكثير من الأسئلة المتعلقة بال Life Coaching

كل دة هيتم شرحة بشكل تفصيلي في أكبر سلسلة مقدمة من 747 CG بإسم TO COACH, OR NOT TO COACH, that’s is the question

في العشر سنوات الأخيره بدأنا نسمع كتير عن كلمة كوتشينج في مجتمعنا العربي، واتعرف مفهوم الكوتشينج بفكرة مساعدة الناس وتمكينهم إنهم يعيشوا حياه أفضل, قبل الكوتشينج كانت طرق المساعده والتحفيز جايه من الإعتماد على طرق مختلفه وغير منظمه وبتعتمد بشكل كبير على النصح والتوجيه والإرشاد إلى أن تحولت لشكل متطور ومنظم إسمه ال Coaching وبيعتمد بشكل كبير على الثقه في الإمكانيات البشريه الغير محدوده مع تحفيزها لتظهر بصورة قوية وتساعد الشخص على التحرك من نقطه إلى أخرى أفضل في حياته أو في مجال عمله أو علاقاته أو أي مجال من تخصصات الكوتشينج المعتمدة من ال ICF.

علشان كده حبيت أساعد الناس إنهم يعرفوا يعني إيه كوتشينج؟ وإيه هي المهارات المطلوبه علشان تكون كوتش؟ وإيه فايدة المهارات دي ومدى تأثيرها على حياتنا وحياة عملائنا؟

يعني الكلام هيكون موجه لثلاث فئات (لو إنت كوتش، لو عايز تكون كوتش، لو عايز تجرب الكوتشينج وتعرف إزاي ممكن يكون ليه أثر إيجابي على حياتك)

الباب الأول
الفرق بين الكوتشينج والتدريب؟
يمكن تكون كلمة كوتش كلمة بتتردد كتير في مجالات عدة وبيتم فهمها بمعاني مختلفه حسب السياق اللي بتتقال فيه، لكن في الأغلب هنلاقي كلمة كوتش مرتبطه في أذهنا بمعنى المدرب أو الشخص اللي بيشتغل معاك على تنمية مهارات معينه بناءاً على خبرته في المجال أو دراسته أو تجارب شخصيه إلي أن يصل بك لمستوى معين في المهاره اللي إنت عايز تنميها أو تشتغل عليها.
المفاجأه هنا هو إن التعريف الدارج اللي إتعودنا عليه لكلمة Coach هو بعيد كل البعد عن مهنة ال Coaching لكنه تعريف بيتكلم عن التدريب وليس الكوتشينج وهنا لازم نفرق بين التدريب (Training) والكوتشينج (Coaching) ولو لاحظنا هنلاقي كلمة Coaching ترجمتها للعربي هي كوتشينج برضه، مش تدريب.

الباب الثاني
يعني إيه كوتشينج؟
الكوتشينج حسب التعريف اللي صدر من الإتحاد العالمي للكوتشينج (ICF)
هو علاقة شراكه بين الكوتش والعميل، الغرض منها تحفيز الأفكار والإبداع للعميل، وإلهامه ليكتشف ويضاعف قدراته وإمكانياته الشخصية والمهنية. وكلمة شراكه هنا بتوضح نفسها بشكل كبير علشان تقولنا إن الكوتش والعميل بيتعاونوا علشان يوصل العميل لهدفه أو يعبر عبر تحدي معين في حياته، مش بتوجيه من الكوتش أولا إرشاد له، لكن الكوتش بيستخدم مهارات وأدوات تم دراستها من خلال رحلة ال CLCJ من 747CG علشان يساعد العميل للوصول لأهدافه بنفسه وبالشكل المناسب له وليس للكوتش، وده بيساعد العميل على زيادة ثقته في إمكانياته وقدراته ووصوله لأهدافه والتعامل مع التحديات اللي بتواجهه بنفسه، عن طريق خلق الوعي عنده للتعامل مع المواقف المشابهه في المستقبل، مش عن طريق توجيه نصيحه معينه ممكن تكون مناسبه لشخص لكن غير مناسبه للآخر، وهنا في رأيي تكمن عبقرية الكوتشينج.

ملاحظة:
الكوتشينج مش آداه تخلي العميل يتحمس لفتره محددة وتنتهي، الكوتشينج آداه بتساعد العميل إنه يعمل تغيير جزري في حياته وحياة المحيطين بيه.

الباب الثالث
المهارات الأساسية للكوتشينج؟
حدد الإتحاد الدولي للكوتشينج ICF عدد ٨ مهارات أو جدارات أساسية يجب توافرها عند الكوتش علشان يكون مؤهل لممارسه الكوتشينج، وعلشان كده قرر ICF ان قبل إعتماد أي كوتش وحصولة على رخصة ممارسه ال Coaching لازم يتأكد من إتقانه للكوتشينج وفهمه للمهارات اللي هنتكلم عنها دلوقتي.

1- ممارسه وتطبيق المعايير الأخلاقيه
Demonstrates Ethical Practice
علشان تكون كوتش معتمد من الإتحاد الدولي للكوتشينج ICF لازم تكون فاهم كويس المعايير الأخلاقية المعتمدة من ICF وطرق تطبيقها, من خلال رحلتك في برنامج ال CLCJ مع 747CG بيتم تدريبك بشكل جيد مع ممارست كل المعايير وتطبيقها بشكل عملي للتأكد من فهمك لها وذلك لممارست المهنة بقواعدها المعتمدة، حيث أنها تعد من المهن الإنسانيه من الدرجة الأولى واللي بتعتبر في منتهى الحساسيه زي الطب والعلاج والنفسي وخلافه من المهن الأخرى الإنسانيه.

الميثاق
الميثاق الأخلاقي بيضم مجموعه من الشروط اللي يجب مراعاتها عند ممارسة الكوتشينج، زي النزاهه، تلافي تضارب المصالح، السريه، الخصوصيه، إحترام إختلاف المعتقدات والقيم من شخص لآخر، وتوضيح ماهو الكوتشينج للعميل والفرق بينه وبين المهن الأخرى الخاصه بالتطوير الشخصي مثل الإرشاد والإستشارات والعلاج النفسي.

2- تجسيد عقلية الكوتشينح
Embodies a Coaching Mindset
من الجدارات الأساسية اللي حددها ICF لإعتماد الكوتش، هي تجسيد وإظهار عقلية الكوتشينج، بمعنى إن من الضروري الكوتش يكون عنده عقليه منفتحه، فضوليه، ومرنه إتجاه العميل، وإنه يكون ملتزم دائماً بتطوير نفسه وبالتعلم والممارسه، وإنه ميحكمش على العميل ولا على نفسه بأحكام مسبقه وإنه يقدر يضبط ويدير مشاعره جيداً قبل الجلسات ومن هنا بنلاقي إلى أن الكوتش الجيد هو كان بالأصل عميل من خلال طلب المساعده بعمل جلسات لة من كوتش أكثر منه خبره ولا يرى أي حرج في طلب الدعم إذا إحتاجه, ومنا هنا بيتميز مجتمعنا في 747CG في تقديم كل الدعم الدائم لكل خريجين البرنامج.

3- تأسيس العلاقه مع العميل
Establishes and Maintains Agreements
فتأسيس العلاقة مع العميل من المهارات التي تبنى عليها عملية الكوتشينج كلها واللي بدونها من الصعب يكون في علاقة كوتشينج ناجحة بين الطرفين، فمع تأسيس هذة العلاقة بيقدر الكوتش بالشراكه مع العميل إنه يعمل إتفاق واضح بكل ما يخص عقد الجلسات وخلافة من التفاصيل الأخرى.

يتوجب لتطبيق المهاره دي على الكوتش شرح وتفسير كل شيئ عن الكوتشينج ، وإبرام إتفاق مع العميل بيحتوي على التفاصيل اللي هيتم تقديمه في الجلسة مع توضيح المواضيع الي مش هيقدر الكوتش بتقديمة للعميل في الجلسات.
كمان بيتم في هذا الإتفاق تحديد سعر الجلسات بشكل تفصيلي والأماكن المناسبة اللي هتتعمل فيها الجلسات، وإيضاح فكرة عقد الجلسات وإيه اللي العميل حابب يخرج بيه بنهاية أخر جلسة مع شرح كيفية قياس نجاح الجلسات للعميل وتحديد مسئوليات كل طرف إتجاة الآخر.

4- بناء وتنمية الثقه والشعور بالأمان
Cultivates Trust and Safety
بما إن الكوتشينح هي آداه بتعتمد بنسبه كبيره على صراحة وإرتياح العميل في مشاركة أسراره وتحدياته وخططه المستقبليه مع الكوتش، فيجب أن يكون هناك درجه كبيره من درجات الثقه والأرتياح بين الكوتش والعميل، وده عن طريق إحترام الكوتش لمعتقدات وهوية وقيم ودوافع العميل وأن يتيح لة التعبير بحريه عن مشاعره ومخاوفه بمنتهى الوضوح والثقة، ومن الاساسيات المهمه في بناء هذه الثقه هو إستخدام الكوتش لغة حوار تتناسب مع لغة العميل من مصطلحاته والإهتمام والدعم الكامل للعميل أثناء فترة الجلسات.

5- الحفاظ على الحضور
Maintains Presence
بتتميز هذه المهاره بتدريب الكوتش أثناء برنامج ال CLCJ في 747CG بإنه يكون في قمة وعيه وحضوره مع العميل أثناء الجلسه بكل تركيز ومرونه، مع إظهار الفضول نحو كل مايقال من طرف العميل وعدم فرض أي إحتمالات مسبقه أو خبرات الكوتش الشخصيه. ومحاولة سماع ما يقوله وما لايقوله ، مع التدريب الكامل لكيفية إدارة مشاعر الكوتش والسيطرة على أفكاره لكي لا تأخذه بعيداً عن الجلسه, والتركيز الدائم مع العميل.

6- الإنصات بفاعليه
Listens Actively
علشان يقدر الكوتش يساعد العميل، يجب عليه أولاً أن ينمي مهارات الإستماع لدية, وأن يستطيع سماع ما يقوله ومالايقوله ويتطلع دائماً أن يفهم ماوراء الكلمات مع فهم المشاعر والقيم والمعتقدات الخاصة بالعميل من خلال كلام ولغة الجسد والصمت أحياناً، ويستطيع أيضاً أن يلخص الكوتش ماقاله العميل أو ماتم التوصل إليه من خلال الجلسه في أي لحظه لتيسير عملية الوعي والتعلم لدية، ولذلك فالمطلوب من الكوتش مش مجرد إستماع ولكن إستماع بفاعليه.

7- إستثارة الوعي
Evokes Awareness
عندما عرف ICF الكوتشينج عرفه على أنه عملية شراكه بين الكوتش والعميل, الهدف منها "إستثارة وعي" العميل لمضاعفة القدرات والإمكانيات، علشان كده إستثارة وعي العميل من المهارات الأساسية التي تساعد العميل للوصول للنتيجه وتحقيق التحدي الموضوع، وده بيكون عن طريق طرح أسئلة فعاله ومدرب عليها في رحلتة ب CLCJ المقدم من 747CG واللي بتساعد العميل علشان يعرف أكتر عن نفسه وتوضيح طريقة تفكيره وفهم مشاعره ومعتقداته وفهم آثارها على مستقبله، وأيضاً لمساعدة العميل على الإستفاده من تجاربه والتركيز على الدروس المستفاده والملاحظات اللي بتظهر معاه من خلال الجلسه.

8- تسهيل عملية التعلم والنمو للعميل
Facilitates Client Growth
المهاره دي اللي من خلالها بيقدر الكوتش مساعدة العميل في تحويل الوعي والتبصر اللي خرج بيه من عملية الكوتشينج إلى أفعال حقيقيه على أرض الواقع، وده بيكون عن طريق تحديد الأهداف ووضع الخطط المناسبه لأخذ خطوات محدده على الطريق وإستخدام الموارد المتاحه للوصول للهدف، ومشاركة العميل الإحتفال بالتطورات والنجاجات التي يحققها مع الوقت، بالإضافه إلى التعاون مع العميل في تحديد الوقت المناسب لإنهاء الجلسه أو علاقة الكوتشينج بينهما.

وبكده فاضل سؤال واحد ليك TO COACH, OR NOT TO COACH, that’s is the question
أتمني أكون جاوبتك عن أسئلة كتير ممكن تكون بتدور في ذهنك لما تسمع كلمة كوتشينج ودايماً هكون مرحب بأي سؤال أو إستفسار فيما يخص رحلتك معانا في Certified Life Coaching Journey المدقمة من 747CG.

بقلم /
كوتش طارق وفاء
Tarek Wafaa

لمزيد من الإستفسارات أو للحجز لحضور برنامج CLCJ
01288423309
أو من خلال الرابط التالي:
Regester Now