مين اللي سايق ؟

Success Stories.

مين اللي سايق


Moumen Khairy Jan 16, 2021

أوقات كتير مشاعرنا و أفكارنا بتكون متلخبطة و سلبية، لدرجة إنها ممكن تأثر على حياتنا لدرجة إنها توقفها ويكون المسيطر علينا مشاعر و أفكار زي " الخوف، القلق، الغضب،الفشل و الدونية ، الخزي و رفض الذات ، و حاجات تانية كتير " ، بتكون موجودة جوا دماغنا، و بتخلينا نحكم على نفسنا على إننا الشخص اللي موجود في دماغنا ، و إننا الأصوات دي ، و نبدأ نفقد السيطرة على حياتنا ، و نكون في وضع السكون أو ال "sleep mode" , فنبدأ نقول جمل و نصدقها زي "أنا أصلا فاشل ، أنا جبان، أنا مستحقش" و نفضل نكرر ده ، لحد ما عقلنا اللاواعي يصدقها، و يتنقلها بعدها للوعي بتاعنا ، و تبقى جزء مننا ، فيبدأ يكون عندنا أحكام مسبقة عن نفسنا، و نخاف نجرب أي حاجة جديدة ،و نقلل من قيمة نفسنا بشكل كبير.
______________________________________________
الأصوات دي مؤقتة، لكن إنت مكمل!
______________________________________________
إنت محتاج تعرف إن المشاعر و الأفكار السلبية بتكون لحظية، و بتتغير على حسب مزاجك ، و مش هي شخصيتك الحقيقية ، و إنها مش دايمة و ده هيخليك محتاج
- إنك تلاحظها و تراقبها كويس ، و تشوف هي بتأثر عليك إزاي ، و ده هيسهل عليك إنك تقبلها ، و تشوف الحاجات اللي بتعزز وجودها أو ال "Triggers" ، و بتخليها تتواجد و تسيطر عليك .
-تعرف إنك مش أفكارك ولا مشاعرك اللي موجودة دلوقتي ، و مش الأصوات القهرية اللي موجودة جوا دماغك، و إنك المسؤول عن قبولها ، و إنك تخليها تأثر عليك بشكل مباشر.
-"سيبها تعدي" و ده من خلال إنك تبدأ تتحرر من سيطرة المشاعر و الأفكار دي عليك ، و تقرر إنك إنت اللي هتسوق ‍♂️ ؛ لإنها حياتك و هتعيشها مرة واحدة بس، و مش هتسمح لحاجة تانية إنها تسوقها.

لو عجبك البوست ممكن تعمل لايك و شير عشان يوصل لغيرك و يستفيد #لايف_كوتش #مؤمن_خيري #كوتش_مؤمن

Share your own article to be the next published one: 747CG Article